2025 жылдың 3 желтоқсанда «Jas ǵalym-2026» ғылыми және ғылыми-техникалық қызметінің нәтижелерін коммерцияландыру жобаларын гранттық қаржыландыруға арналған конкурс жеңімпаздарының марапаттау рәсімі өтті. Байқау жеңімпаздарын І. Жансүгіров атындағы  Жетісу университетінің Басқарма Төрағасы – Ректор, заң ғылымдарының докторы, профессор Бөрібаев Ермек Әбілтайұлы құттықтап, сертификаттарды табыстады. Жалпы конкурсқа 27 өтінім беріліп, 15 жоба жеңімпаз деп танылды. Қаржыландыру сомасы – 19 миллион теңгені құрады. Осынау айтулы додада оқ бойы озық шығып, грант иегері атанған үздіктердің қатарында «QazaqSTEM Junior. Ұлттық құндылықтарға негізделген бастауыш сыныпқа арналған STEM-білім беру сайты» болды. Жоба жетекшісі: Чункенова С.С., жоба орындаушылары: Майденова Н.И., Базарбай Б.Х., қаржыландыру сомасы: 1 500 500 теңгені құрайды.